ரஷ்மிகா மந்தானாவின் "மைசா" திரைப்படத்தின் ரிலீஸ் தேதி அறிவிப்பு!

இந்திய திரையுலகின் முன்னணி நடிகையான ரஷ்மிகா மந்தனா கதையின் நாயகியாக நடிக்கும் புதிய அதிரடி ஆக்ஷன் திரைப்படமான "மைசா" (Mysaa) படத்தின் அதிகாரப்பூர்வ ரிலீஸ் தேதியை படக்குழுவினர் வெளியிட்டுள்ளனர்.

ரவீந்திர புல்லே (Rawindra Pulle) இயக்கத்தில் உருவாகும் இத்திரைப்படம் வரும் நவம்பர் 27, 2026 அன்று திரையரங்குகளில் உலகம் முழுவதும் வெளியாகவுள்ளது. 'அன்ஃபார்முலா ஃபிலிம்ஸ்' (UnFormula Films) நிறுவனம் தயாரிக்கும் இப்படத்தில் ரஷ்மிகா இதுவரைத்திரையில் பார்த்திராத ஒரு பழங்குடியின பெண்ணாக, மிரட்டலான அதிரடி வேடத்தில் நடித்துள்ளார்.

சமீபத்தில் இப்படத்தின் முக்கிய நீருக்கடியிலான (underwater) சண்டைக் காட்சிகள் படமாக்கப்பட்டு முடிவடைந்தது குறிப்பிடத்தக்கது. இப்படத்தில் ஈஸ்வரி ராவ், குரு சோமசுந்தரம், ராவ் ரமேஷ் ஆகியோர் முக்கிய கதாபாத்திரங்களில் நடிக்கின்றனர். ஜேக்ஸ் பிஜாய் இசையமைக்கும் இப்படத்திற்கு சர்வதேச சண்டை பயிற்சி இயக்குனர் ஆண்டி லாங் (Andy Long) சண்டைக் காட்சிகளை அமைத்துள்ளார்.