பியார் பிரேமா கல்யாணம் (2026) - முன்னோட்டம்

'பியார் பிரேமா காதல்' திரைப்படத்தின் இயக்குனர் எலன் (Elan), தானே இயக்கி கதாநாயகனாகவும் அறிமுகமாகி, சாண்வி மேக்னாவுடன் (Saanve Megghana) இணைந்து நடித்துள்ள ரொமாண்டிக் ஃபேமிலி காமெடி திரைப்படம் 'பியார் பிரேமா கல்யாணம்'. யுவன் சங்கர் ராஜா இசையமைத்துள்ள இத்திரைப்படம், திருமணத்திற்குப் பிறகு பெண்களின் நிலையை ஆண்களுக்கு உணர்த்தும் 'Role Reversal' கதைக் களத்தைக் கொண்டது.

பியார் பிரேமா கல்யாணம் கதை

பவித்ரா என்ற 'பவி' (சாண்வி மேக்னா) ஒரு சமூக வலைத்தள இன்ஃப்ளூயன்ஸர். திருமணம் என்று வந்தால், "பெண்கள் மட்டுமே ஏன் கணவர் வீட்டிற்குச் செல்ல வேண்டும்?" என்ற கேள்வியை எழுப்பி, தன் வீட்டோடு வாழ சம்மதிக்கும் நபரையே திருமணம் செய்வேன் என பிடிவாதமாக இருக்கிறார். பொறுப்பில்லாமல் இருக்கும் எலன், பவியை காதலித்து திருமணம் செய்து அவளது வீட்டிற்குள் 'வீட்டு மாப்பிள்ளையாக' குடியேறுகிறார். பெண் வீட்டில் ஒரு ஆண் சந்திக்கும் சிரமங்கள், மாமியார்-மருமகன் மோதல், மற்றும் குடும்ப உறவுகளின் சிக்கல்களை நகைச்சுவையோடு சொல்வதே படத்தின் மீதி கதை.

சமூகத்தில் காலம் காலமாக இருக்கும் ஒரு திருமண வழக்கத்தை ஜாலியாகவும் சிந்திக்க வைக்கும் வகையிலும் அணுகியிருக்கும் 'பியார் பிரேமா கல்யாணம்', குடும்பத்துடன் பார்க்கக்கூடிய ஒரு ஜாலியான 'டைம்பாஸ்' திரைப்படம்.

Read alsoIrumudi Kattu Movie Review